Jhong, Vhong at Kim, nagpagalingan ng joke

Kung may isang alamat na hindi nakakasawang balik-balikan, ito 'yung alamat na masarap panoorin habang sila'y kumakanta at nagsasayawan. None other than P-Pop group, ALAMAT, na nagbabalik ang grupo sa 'It's Showtime' studio para i-perform ang Luzviminda, Walang basaan dito pero bubumuhos ang swerte at good vibes kasama ang mga taga-San Juan City (na kilala sa 'Wattah Wattah' Festival) sa 'Laro Laro Pick' game arena. Naglaro rin sina Teddy Corpuz, Darren Espanto, Jackie Gonzaga at Ryan Bang. Si Jackie lang ang nakatawid sa 'You Gotta Lyric,' kung saan tama naman ang sagot niya, pero pabirong idineklarang "wrong" ni Jhong Hilario dahil sintunado. To the rescue naman si Darren para itama ang tono! Dackie moment na ‘to! Samantala, na-touch ang Showtime hosts sa kuwento ng buhay ni Wo, isang delivery rider na laki sa lolo. Habang itinataguyod ang sariling pamilya, gusto rin niyang maibalik ang sakripisyo ng lolong nagpalaki sa kanya. Samantala, 'extra' ang banter nina Kim Chiu at Jhong na nauwi pa nga sa dilatan ng mga mata. At syempre, kanya-kanya silang entry ng jokes tungkol sa pangalan ni Wo! Very good din si Tate, ang tricycle driver na sweet lover kay misis, at may malasakit din sa kapwa. Minsan na niyang pinatunayan ang kabutihan nang ibalik ang gamit na naiwan ng pasahero. Kaya ang madlang girls sa studio, na-in love kay Tate! 'Yun nga lang, si misis, umapela, "Sorry po, married na!" Luck ay na-attract ni Margo, ang hairstylist na 'di nauubusan ng kuwento. Pati tungkol kina Ogie Alcasid at Anne Curtis, meron siyang 'chismis.' At shoutout sa mga ex niya, hanggang tingin na lang daw kayo sa kan'yang ganda! Umabot sa P35,000 ang Li-Pot offer, na tinanggap ni Margo. Tama ang pinili ate n'yo dahil nang subukan niya ang P350k Pot question, akala niya'y 'simple' lang pero hindi pala niya alam ang kasagutan. It's time for Region 1 to shine sa second week ng ika-10 taon ng "Tawag Ng Tanghalan." Ang unang kalahok ay mula Laoag City, si Jeanel Silvestre, na nagpamalas ng husay sa entablado, singing Juan Karlos ‘JK’ Labajo's "Demonyo." Katulad ng idol na si JK, nagsusulat din ng kanta si Jeanel, na bet 'piratahin' ni Ogie nang magustuhan ang sample ng self-composition nito. Speaking of songwriting, may tip si Ogie tungkol d'yan. Ang awit daw ay hinuhugot sa sariling kuwento, parang si Louie Ocampo, na binuo ang "Tell Me" mula sa sariling karanasan. Binalikan din ng 'Showtime' family ang iba pang iconic songs na nilikha ng maestro. Proud din si Ogie dahil komposisyon ng kanyang kaibigan ang napiling bagong theme song ng isang airline. Chika niya, isa siya sa napakaraming tinalo ni Sir Louie sa paggawa ng theme song na 'to. Samantala, napabilib ni Jeanel sina hurado Jonathan Manalo, Bituin Escalante, at Maestro Louie. Para sa kanila, strength ni Jeanel ang pagiging chill nito, at ang magandang tone. Mula Pangasinan, lumuwas si Shekinah Barbiran to chase her dream sa tanghalan. "Ikaw Ay Ako" ni Klarisse De Guzman ang napili niyang sandata sa laban ng bosesan. At 15, 'beterano' na siya sa pagsali ng contests. Dahil seasoned kontesera, nakita ng hurados ang pagiging relaxed niya. Nagustuhan ng hurados ang dalawang nagtanghal pero isa lang ang aabante sa susunod na round, at ito ay si Jeanel na nakakuha ng markang 91% laban sa 89.3% ni Shekinah. #ItsShowtimeFullEpisode #ABSCBNEntertainment #ItsShowtime #JanTayoSaShowtime