Negi, crush si Jhong?!

Perfect sa mga naghahanap ng kilig ang performance ni “The Voice USA” champ at “Tawag Ng Tanghalan” alum and hurado Sofronio Vasquez. Para bang sumakto ang pa-harana niya sa birthday ni Cianne Dominguez today. Ang tanong naman ng Madlang People, kailan ang birthday prod ni Cianne? Abangan! JackPOT sa tawanan ang mga eksena sa ‘Laro Laro Pick’ game arena. Umabot na sa P400,000 ang Pot money sa March 18 episode ng “It’s Showtime.” Pero sa good vibes pa lang na pinagsaluhan, talagang feeling lucky ang mga taga-San Dionisio, Parañaque. Ang San Dionisio, lugar pala ng mga dancers na gwapo! May dalawang choreographers sa grupo ng players—sina Nixon at Chael. Hindi naman sa nagkakainitan sila, pero dahil sa ‘pang-sasar’ ng hosts ay para bang may namuong tensyon sa pagitan ng dalawa. Hala?! Eh, ‘di idaan na lang natin ‘yan sa showdown, mga kuya! At hindi lang mananayaw ang marami sa kanilang bayan, dahil pati mga ‘marites’ ay dito rin matatagpuan. Caught in the act ang chismisan ng mga kababaihan na nag-uumpukan. Pati sementeryong pinagtatrabahuan ng sepultorerong si Mang Lary, alam nila, mga bhie. At totoo bang merong event na dinadayo sa sementeryo? Mareng Primera, please, explain mo. Mukhang ibang ‘tensyon’ naman ang naramdaman ni guest player Negi—tensyon na may kasamang kilig ba ‘yan? Hindi kasi maitago ni “Uldario” ang kaba dahil sa mga tinginan ni Jhong Hilario. Hala siya! May spark ba? Pabirong tanong ni Vhong Navarro, “Baka crush mo?” Mabuti na lang nasagot ni Negi ang tanong ni Jhong sa “It’s Giving” kahit may kaba sa feeling. Muntik nang umabante sa jackpot round si guest player Negi. Pero nasulot ni Dhel ang swerte. Para bang itinadhana sa kan’ya ang panalo, dahil napanaginipan na niya ang araw na ‘to, na sa “It’s Showtime” siya’y maglalaro. Literal na dreams do come true! Ang pangarap ni Dhel, working student and fast food chain staff, makatulong sa mga kapatid at pamilya. Kaunti na lang din ga-graduate na siya. Kaya hanggang dulo’y inilaban na ni Dhel ang Pot question. Hindi man niya nasagot ang tanong tungkol sa Mt. Kanlaon, masaya pa rin siya sa P2,000 na maiuuwi sa pamilya. Kumapit nang mahigpit dahil mas tumitindi ang laban sa pagitan ng mga pambato ng Region 8 sa ‘Tawag Ng Tanghalan.’ Sina Jed Madela, Marielle Montellano at Erik Santos ang umupo bilang mga hurado. “There’s No Easy Way,” hugot ni JV sa entablado. Nagustuhan ng mga hurado ang unique and beautiful tone ni JV, as beautiful as hurado Marielle, na pinuri rin dahil everyday pretty. Ni-reveal naman ni Negi ang hidden talent niya. Kaboses daw niya si Jolina Magdangal. True? Parinig naman ng sample ng Chuva Choo Choo! Na-enjoy ni hurado Erik ang “What’s Up”” performance ng ikalawang kalahok na si Jenny. Pero nabilangan niya ito nang isang beses dahil sa mga flats. Agree naman si hurado Jed, na may payo tungkol sa mga bandistang tulad ni Jenny—connect to your audience. Sa dulo, si JV ang itinanghal na panalo matapos makakuha ng 90.3% na grado. #ItsShowtimeOnline #ItsShowtimeFullEpisode #ABSCBNEntertainment