Mga pambato ng Region 4, nanganib sa Regional Finals

It's the weekend, Madlang People! Eh, 'di congrats sa mga may time na para magpahinga at matulog nang mas mahaba. And you know the drill, mas kumpleto ang weekend bonding kapag "It's Showtime" family ay kapiling. Naki-join nga sa Sabado kulitan sina Boots Anson-Roa, Charo Santos, at Barbie Forteza. May mga baong kuwento ang tatlo tungkol sa kanilang bagong proyekto. At si Ma'am Charo, may baon din na hinanakit kay Vice Ganda? Nag-enjoy ang tatlong bisitang bituin sa 'Laro Laro Pick' game arena kasama ang mga residente ng Western Bicutan, Taguig, na kinilala rin ng hosts. Laugh trip naman ang mga eksena nang mahuli ni Meme ang dalawang cameraman na diumano'y "naglalambingan" sa oras ng trabaho. Teka, sayaw na lang tayo. Ipapakita ni Meme ang tamang quality steps, 'yun bang sayaw na "papayagan ng asawa." Sa 'Laro Laro Pick' jackpot round, swerte ay dumapo kay Everlyn, na mukhang sunod-sunod ang luck sa life. Kasisimula lang niya sa bagong trabaho bilang sekretarya kahapon, at heto siya ngayon, may pagkakataong manalo ng P150,000. Kaya sinubok niya ang kan'yang kapalaran, POT question ay sinugalan! 'Yun nga lang, ang itinuro ng kanyang Math teacher, mukhang nakalimutan. Dahil sagot na "numerator" ay 'di niya nahulaan. Hindi lang weekly finalists kundi pati hurados na sina Jonathan Manalo, Kyla (Punong Hurado) at Erik Santos ay kinabahan sa ika-apat na Regional Finals ng 'Tawag Ng Tanghalan.' Unang nagbabalik sa TNT entablado si Koleene, na looking beautiful in red as she sang "Fallin'" by Alicia Keys. Dalawang beses siyang nabilangan ni hurado Jonathan. Sa simula pa lang ay nanganib na si Shannie Rose, na agad nabilangan ni Jonathan as she performed "Nang Iwan" by This Band. Walang duda na siya'y magaling, pero maging si Miguel Allen ay namarkahan ang mali sa entablado sa pagkanta niya ng "Gaya Ng Dati" ni Gary Valenciano. Classic ang tunugan na hatid ni Felson sa tanghalan. Inawit niya ang "The Prayer" ni Josh Groban. At katulad ng mga naunang kalahok ay hindi siya nakaligtas sa pagbilang ni hurado Jonathan. "Magda" naman ang panlaban ng huling weekly finalist na si Will. Sa limang contenders, si Will lang ang mukhang pinaka-safe. Si Will nga ang itinanghal na pambato ng Region 4 matapos makakuha ng score na 93.7%, na sinundan nina Miguel at Felson sa parehong markang 91.3%.