

Napa-ROCK and ROLL ang madlang people dahil nagsama-sama ang pinakamalalaking rock stars ng OPM, sa episode na unang ipinalabas noong December 4, 2025. Join ang Rocksteddy ni Teddy Corpuz at The Itchyworms ni Jugs Jugueta sa masayang PASKOncert. Nakirakrakan din sina Karylle, Aia De Leon, Carl Guevarra at Janine Berdin. Si Noel Palomo ng Siakol ang bahala sa OPM rakista classic. At hindi talaga mauubusan ng paandar si Anne Curtis. From her rapper era last Monday to her P-pop vibe performance on Tuesday, rakista naman ang peg niya this RAKsolutely WILD Thursday! Syempre, hindi kumpleto ang ROCKpasikat sa FUNanghalian kung wala ang nag-iisang Rock Royalty ng bansa, si Bamboo, na ginawang mas electrifying ang "Santa Claus Is Coming to Town." Inimbitahan sa Laro Laro Pick segment ang ilang kababayan nating lubos na naapektuhan ng mga nagdaang kalamidad sa Cebu at Negros Occidental. At sa kanilang pagdating sa game arena, ibinahagi nila ang mga sugat na iniwan ng unos. Isa sa kanila si Luna, mula sa Cebu, na tinamaan ng Bagyong Tino nitong Nobyembre. Sa kasagsagan ng bagyo, kasama niya ang dalawang anakâtatlong taong gulang ang isa, tatlong buwan naman ang isa paâat ang biyenang babae na pare-parehong tinangay ng rumaragasang baha, na umabot hanggang kisama ng kanilang bahay. Katulad ni Luna na nawalan ng dalawang anak at biyenan, pilit din na bumabangon ang iba pa niyang kasamahang players. Si Vice Ganda, ipinagdasal ang mga biktima at survivors ng kalamidad. At sa huli, direkta ang naging panawagan ni Vice, "Nananawagan kami sa pamahalaan, bigyan n'yo naman ng hustisya ang mga taong ito, utang na loob, kung may konsensya pa kayo." Sa loob ng 16 na taon, naging misyon na ng 'It's Showtime" na maging tulay ng pag-asa para sa mga Pilipino. Kaya sa espesyal na edisyon ng Laro Laro Pick, bago pa man magsimula ang laro, agad nang nagbigay ang programa ng tig-P20,000 sa bawat player. At sa bawat round na malalampasan nila, may karagdagang P5,000 pa. Hinangaan ng madla ang laki ng puso ni Vice Ganda, na kitang-kita ang kagustuhang manalo ang lahat. Sa âItâs Givingâ round, literal siyang naging giving, sa binigay niyang category na, âMagbigay ng kahit anong naiisip mo ngayon.â Marami rin ang naantig kay Ricky, isang mapagmahal na lolo mula Cebu. Hindi sinasadyang mapaiyak ni Tatay Ricky ang madlang people at Showtime hosts nang awitin niya ang paborito niyang kanta para kay misis, ang âMaghintay Ka Lamang.â Taos-pusong nangako si Vice kay tatay Ricky, âPromise, tutulungan kong maging masaya ang Pasko ng pamilya nâyo. Tutulungan ko kayong mapag-aral ang mga apo nâyo.â Si Disyang, isang solo parent mula Cebu, ang humarap sa jackpot round ng Laro Laro Pick. Hindi lamang isa kundi dalawang kalamidad ang dumurog sa kanilang tahananâbagyo at lindol. Dahil sa lindol, gumuho ang bahay nila, kayaât sa tent na lang muna sila nakatira ng kanyang tatlong anak. Naging emosyonal si Disyang nang umabot sa P500,000 ang Li-Pot offer, na tinanggap niya noâng una. Pero hindi tumigil si Vice sa pangungumbinsi, âAlam kong malaki âyan, pero sa puntong ito na wala ka na ring ibang mawawala, bakit hindi mo subukang mangarap nang mas malaki?â Aniya, oras na sabihin ni Disyang ang salitang âPot,â isang milyon ang maiuuwi niya. Nagtiwala si Disyang kay Vice, na binasa naman ang Pot question, "One plus one?" At dahil tama ang sagot, napanalunan ni Disyang ang P1 milyon jackpot! At hindi pa rito nagtatapos ang tulong ng programa. Nagdesisyon ang "Itâs Showtime" hosts na mag-ambagan para makabuo ng isa pang milyong piso na paghahati-hatian ng natitirang players. #ItsShowtimeOnline #ItsShowtimeFullEpisode #ABSCBNEntertainment
Download subtitle files for this content
No subtitle files available for this title.
Cast information unavailable.