Ion makes Vice Ganda proud with his dance moves

1t's 6iving one hundred percent ang energy sa studio dahil sa HATAWmazing collaboration ng It’s Showtime hosts at mga iconic dance groups na naki-party sa MagPASKOsikat Day 3 na unang ipinalabas noong December 3, 2025. Sinimulan ni Jhong Hilario ang DANCEpasikat sa pamamagitan ng Pattong, isang katutubong sayaw pandigma ng Kalinga tribe. May dance pasabog din ang duo nina MC Muah at Lassy, na sinundan ng isang nakaka-hype na surprise dance act from Ion Perez. Kung may isang very proud sa pagsayaw ni Ion, ‘yun ang walang iba kundi si Vice Ganda. At kung sayawan ang labanan, syempre, hindi aatras sa digmaan ang nag-iisang Queen of the Dance Floor, Kim Chiu. Dahil 1t’s 6iving dance party, hindi pwedeng mawala ang The Sexbomb Girls led by Rochelle Pangilinan na nakipag-showdown kay Jackie Gonzaga. At kung may Sexbomb, may Streetboys din! Isang HATAWmazing reunion ang hatid ng grupo nina Vhong Navarro at Jhong. Sumayaw papasok ng "Laro Laro Pick" game arena ang mga Solid Showtimers mula Visayas na kasama ng Showtime family umulan man o umaraw. Nakakuwentuhan nina Vice Ganda ang ilan sa kanila, tulad ni Neckie, na minsan pang “nakipag-away” para ipagtanggol ang show. Walang away, kundi good vibes lang ang ganap sa game time. Mga sangkap ng tinola, inalala para maka-survive sa “It’ Giving.” At para hindi umuwing luhaan, lyrics ng Aegis hit na “Luha,” dapat sakto kahit wala sa tono para makalampas sa “You Gotta Lyric.” Pero ang luckiest of the all ay si Fatima, mula pa sa Bohol, ang sinuwerteng makapasok sa jackpot round kung saan isang milyong piso ang nakataya. Sa kalagitnaan ng tawaran, kung saan umabot sa P300,000 ang offer, para bang pinalakas ni Vice ang loob ni Fatima na piliin ang POT question na katumbas ng P1 million. "Paano 'pag sinabi ko sa'yong madali lang ang tanong," sabi ni Vice Ganda. Pero si Fatima, hindi na sumugal pa at nakuntento na sa P300,000, na malaking tulong na para mapagawa ang kanyang dream house sa Bohol. #ItsShowtimeOnline #ItsShowtimeFullEpisode #ABSCBNEntertainment