kantahan with Kuh Ledesma

'Quality' ang kantahan na handog ng nag-iisang Kuh Ledesma. "I think I'm in love," sabi niya habang hinaharana ang Madlang People. Sa mga in love and happily in a relationship, eh 'di sana all. For all naman talaga ang love! At for all din ang good news ni Kuh, who's set to reunite with her showband, Music & Magic sa darating na weekend! At kahit hindi raw siya sanay sa mataas na energy, nakipagsabayan pa rin siya sa makulit na banter with the Showtime family! Nahiya tuloy sina MC at Lassy! Kung minsan pakiramdam natin ang buhay ay hindi patas. Pero anuman ang pagsubok, patuloy na lalaban ang mga taga-Payatas. Sila ang bumida sa 'Laro Laro Pick' game arena. Nakipagkuwentuhan ang mga hosts kay player Doy, na pangiti-ngiti lang ngunit ang puso'y may malungkot na panaghoy. Sariwa pa ang pait dahil dalawang linggo pa lamang mula nang iwan siya ng kanyang mahal. Ni hindi niya alam kung bakit. Ouch! Ang sakit! Napa-'ahhh' si Vice Ganda sa panawagan ni Doy kay 'Jennifer' at nagbigay rin ito ng payo. Times three naman ang good vibes na dala ni Third, na agaw-eksena ang paghataw. Trabaho niya'y pagpipinta ng sasakyan. Kaya ang game arena, kinulayan din niya ng saya. Organic encounter ba kamo? Pakinggan kung paano nakilala ni Third ang asawa niya dahil sa isang 'aksidente.' Okay na sana kaso may 'ha?' moments ba, sumakit tuloy ang ulo ni Vice Ganda! O, baka naman, biro nga ng kanyang mga kasamahan, 'establishing' lang si Meme para may dahilang umabsent? Si Third ang umabante sa jackPOT round. Opo, si Third po ulit! Biro ni Vice Ganda, buong segment ay si Third ang bida. Mukhang ganyan talaga 'pag idinikta ng tadhana! 'Yun nga lang, ang P100k jackPOT money ay hindi iginuhit sa kanyang kapalaran. Bigo siyang masagot ng tama ang POT question, matapos tanggihan ang Li-POT offer. Gayunpaman, panalo pa rin si Third at ang madlang people sa studio dahil sa good vibes na kanilang pinagsaluhan. Napasaya naman niya ang lahat sa panggagaya kina Kim Atienza at Gus Abelas! Sa pagpapatuloy ng tunggalian ng Ilocos Region sa ika-10 taon ng 'Tawag Ng Tanghalan,' mas nagiging exciting ang laban kasama sina hurado Erik Santos at Marielle Montellano, at Punong Hurado Louie Ocampo. Mula Pangasinan, tumuntong si Jade sa TNT entablado bitbit at nag-aalab na pangarap sa puso, singing "Kailangan Kita." Bigo si Jade na tapusin ang performance nang ma-gong, ngunit hindi nakitaan ng sama ng loob ang 15-year-old aspiring champion. Ngunit nang magbigay ng mensahe ang ama na nanonood sa studio, tuluyang naluha si Jade. Agad din namang 'kinomfort' nina Vice Ganda ang batang mang-aawit, na napansin niyang kahawig pala ni Catriona Gray. Naniniwala si Meme na mahahasa pa ang talento ni Jade. Pabiro naman niyang pinuksa ang hosting ni Darren Espanto, na tinawag niyang "persumida" dahil sa mga sinabi nito! Paliwanag ni hurado Erik, maraming off-keys at flats sa performance ni Jade. Ang tingin naman ni Maestro Louie ay nadaig ng kaba ang unang contestant. Kung na-gong ang unang contender na si Jade, kailangan pa ring umawit ng kalaban niyang si Erich ng La Union. Muntik nang maging magkatulad ang kanilang kapalaran nang si Erich ay dalawang beses mabilangan sa pagkanta ng "Don't Rain on My Parade." "I wasn't moved by the performance," komento ni Maestro Louie. Dagdag niya, "too matured" ang piyesa para sa 20-year-old contender. Kaya payo niya, maging maingat sa song choice. At dahil na-gong ang unang contestant, automatic na ang panalo ni Erich. #ItsShowtime #ItsShowimeFullEpisode #ShowtimeNa